Latviya Xarici İşlər Nazirliyi, Rusiya Xarici Kəşfiyyat Xidmətinin (SVR) Ukrayna PUA sistemləri heyətinin respublikaya gəlişi ilə bağlı açıqlamasından sonra Rusiyanın müvəqqəti işlər vəkili Dmitri Kasatkini çağırıb və ona etiraz notası təqdim edib.

APA-nın Moskva bürosu xəbər verir ki, bu barədə Latviya Xarici İşlər Nazirliyi məlumat yayıb.

Bildirilib ki, Rusiya kəşfiyyatı yalan məlumat yayıb və bu məlumatlar Latviya tərəfinin təkzib etdiyi əvvəlki ittihamlara əsaslanır.

Latviya Xarici İşlər Nazirliyi həmçinin öz ərazisindən Ukraynanın xeyrinə istifadəyə razılıq vermədiyini də bildirib.

Qeyd edək ki, bu gün Rusiya SVR Ukraynanın Latviya ərazisindən Rusiyaya zərbə endirməyə hazırlaşdığı barədə məlumat yayıb. Məlumatda Riqanın Kiyevə Rusiya ərazisinə zərbə endirməyə icazə verdiyi və artıq Ukrayna qüvvələrinin Latviya ərazisində olduğu bildirilib.

Oxşar xəbərlər

Latviya Rusiyanın müvəqqəti işlər vəkilini çağırıb

Rusiya PUA-sı Latviya ərazisinə düşüb

Latviya Azərbaycanı Müstəqillik Günü münasibətilə təbrik edib

Sibiqa: Ukrayna heç vaxt Latviya istiqamətinə dronlar göndərməyib

Latviya komandalarının Rusiya və Belarus milliləri ilə üz-üzə gəlməsi qadağan edilib