ABŞ Prezidenti Donald Tramp Ağ Ev ərazisində tikilən yeni banket zalının damında pilotsuz uçuş aparatlarının yerləşdiriləcəyini bildirib.

Sizinxeber.az xəbər verir ki, Tramp bu barədə Ağ Evdə jurnalistlərə bildirib.

Onun sözlərinə görə, bina Vaşinqtonun müdafiəsi üçün xüsusi şəkildə layihələndirilib.

“Dam tam şəkildə elə hazırlanıb ki, orada hərbçilər yerləşdirilə bilsin. Snayperlər üçün Vaşinqtona hərtərəfli baxış imkanı olacaq”, - Tramp qeyd edib.

ABŞ prezidenti bildirib ki, dam həm də dronlar üçün platforma rolunu oynayacaq və “məhdudiyyətsiz sayda pilotsuz aparat” qəbul edə biləcək.

Tramp əlavə edib ki, tikintidə “gülləkeçirməz polad” və “gülləkeçirməz şüşə” istifadə olunur.

“Əgər dron damı vursa belə, geri sıçrayacaq və zərər verməyəcək”, - deyə o bildirib.

Oxşar xəbərlər

Tramp: İranın hərbi potensialını bərpa etməsi 20 il çəkə bilər

Tramp: Si Cinpin İrana silah göndərilməyəcəyinə təminat verib

Tramp Ağ Evdə Corcia Meloni ilə görüşəcək

Tramp: Həm Rusiya, həm də Ukraynadan məyusam

Tramp: Putin və Uitkofun görüşündə böyük irəliləyiş əldə olunub