Rəsmi Tehran ABŞ-nin İranın enerji, neft və qaz sektorları ilə əlaqəli bir sıra fiziki, habelə hüquqi şəxslərə, eləcə də ölkənin dinc nüvə proqramında iştirak edənlərə qarşı yönəlmiş son sanksiyalarını qətiyyətlə pisləyib.

“Report” “Mehr” agentliyinə istnadən xəbər verir ki, bu barədə İran Xarici İşlər Nazirliyinin mətbuat katibi İsmayıl Bəqai aprelin 23-də keçirdiyi mətbuat konfransında bildirib.

Onun sözlərinə görə, belə tədbirlər qanunun aliliyi və azad ticarətin təməllərini zəiflədir.

Mətbuat katibi əlavə edib ki, İran iqtisadiyyatının və ticarətinin müxtəlif sektorlarına qarşı sanksiyaların davam etdirilməsi ABŞ-nin dialoq və danışıqlara can atması barədə bəyanatlarına birbaşa zidd olan qanunsuz, təhqiredici aktdır.

Xatırladaq ki, aprelin 21-də ABŞ Maliyyə Nazirliyi İranın iki vətəndaşı və 12 şirkətinə sanksiyalar tətbiq edib.

Oxşar xəbərlər

İran XİN sözçüsü: ABŞ ilə növbəti danışıqlar da Omanda keçiriləcək

İran XİN başçısının ABŞ-yə səfəri təxirə salınıb

ABŞ “Iran Air” aviaşirkətini sanksiyalar siyahısına əlavə edib

ABŞ İran müəssisələrinə və fiziki şəxslərinə qarşı 500 sanksiya tətbiq edib

XİN: İran ABŞ ilə təzyiq altında danışıqlar aparmaq niyyətində deyil