İran iqtidarı ABŞ-nin təzyiqi şəraitində Vaşinqton ilə Tehranın nüvə proqramı məsələsi üzrə danışıqlar aparmağı məqsədəuyğun hesab etmir.

“Report” “Mehr” agentliyinə istinadən xəbər verir ki, bunu İranın XİN başçısı Abbas Əraqçi bildirib.

“Zəif mövqedən danışıqlar əsl danışıqlar deyil. Bu, təslim olmaqdır. Biz heç vaxt belə şəraitdə danışıqlar aparmayacağıq”, – nazir deyib.

O əlavə edib ki, Tehran heç vaxt dialoqdan imtina etməyib, lakin ABŞ-nin İranın nüvə proqramı üzrə Birgə Hərtərəfli Fəaliyyət Planı (BHFP) ilə bağlı hərəkətləri göstərib ki, Vaşinqtona etibar etmək olmaz. O izah edib ki, İran eyni zamanda dialoq apararkən yeni sanksiyalar tətbiq edən ölkə ilə danışıqlara getməyəcək.

Əraqçi qeyd edib ki, sanksiyalar İran iqtisadiyyatının inkişafında əsas maneədir və Tehran məhdudiyyətlərin ləğvi üçün beynəlxalq tərəfdaşlarla dialoq və ölkənin daxili potensialının inkişafı yolu ilə onlarla mübarizə aparacaq.

Daha əvvəl ABŞ Prezidenti Donald Tramp İranla sövdələşməyə hazır olduğunu açıqlamışdı.

Oxşar xəbərlər

İran Avropa ilə nüvə sazişi üzrə danışıqların bərpa olunacağını açıqlayıb

Abbas Əraqçi: İran Suriyaya qoşun göndərə bilər

BAEA rəhbəri İranın nüvə obyektlərinə baş çəkib

Cenevrədə nüvə problemi üzrə danışıqlar keçirilir

İran: ABŞ administrasiyası ilə birbaşa danışıqlar üçün heç bir səbəb yoxdur