Rusiya Ermənistanla Azərbaycan arasında bütün istiqamətlərdə münasibətlərin normallaşmasına kömək etməyə hazırdır.

"Report" Rusiya mətbuatına istinadən xəbər verir ki, bunu ölkənin xarici işlər naziri Sergey Lavrov erməni həmkarı Ararat Mirzoyanla danışıqlar zamanı deyib.

“Biz 2020-ci və 2022-ci illərdə üç ölkənin rəhbərləri tərəfindən əldə edilmiş üçtərəfli razılaşmaların inkişafı məqsədilə Ermənistan və Azərbaycan arasında bütün sahələrdə münasibətlərin normallaşmasına lazımi dəstək verməyə hazırıq", - nazir bildirib.

Rusiya ilə Ermənistan arasında əməkdaşlığa toxunan Lavrov iki ölkə arasında ticarət-iqtisadi əlaqələrin yüksəlişdə olduğunu deyib.

"Ticarət dövriyyəsi rekord səviyyəyə çatır, keçən il təxminən 12 milyard dollar təşkil edib", - o qeyd edib.

Oxşar xəbərlər

Lavrov: Rusiya Gürcüstanla münasibətlərin normallaşmasına hazırdır

Rusiya Bakı ilə İrəvan arasında münasibətlərin normallaşmasına dəstəyini davam etdirməyə hazırdır

Lavrov: İrəvan Bakı ilə birbaşa razılıq əldə etmək istəyirsə, bu, onların seçimidir

Lavrov: Oktyabrda Rusiyanın iştirakı ilə Azərbaycan və Ermənistan liderləri arasında görüş baş tuta bilər

Lavrov: Rusiya Gürcüstanla ikitərəfli əlaqələrin normallaşdırılması prosesinə davam etməyə hazırdır