İslam İnqilabı Keşikçiləri Korpusu (SEPAH) Amerikanın son zərbələrinə cavab olaraq ABŞ-ın Küveyt və Bəhreyndəki hərbi obyektlərinə raket və pilotsuz uçuş aparatları (PUA) ilə zərbələr endirdiyini bəyan edib.

"Sizinxeber.az" xəbər verir ki, SEPAH-ın bu barədə bəyanatını IRIB yayıb.

SEPAH-ın yaydığı bəyanatda qeyd olunub ki, bazar günü gecə saatlarında korpusun hərbi dəniz və hərbi hava qüvvələri ballistik raketlər və dronlardan istifadə edərək ABŞ hərbi infrastrukturunun səkkiz obyektinə - Küveytdəki "Əli əs-Salim" bazasındakı və Bəhreynin Salman limanındakı 5-ci Donanmasının bazasına hücum edib.

Bəyanatda həmçinin qısa müddət əvvəl ABŞ-nin İslam Respublikasının beş sahil postuna zərbələr endirdiyi xatırladılıb.

"İslamabad memorandumuna əsasən, Hörmüz boğazında gediş-gəlişə nəzarət qaydaları İslam Respublikasına məxsusdur və bundan sonra qayda pozan gəmilərə qarşı əvvəlkindən daha sərt tədbirlər görüləcək",- bəyanatda qeyd olunub.

SEPAH az əhəmiyyətli hədəflərə qarşı belə ehtimal olunan təcavüzə sarsıdıcı cavab veriləcəyi barədə xəbərdarlıq edib. Atəşkəsin pozulmasının İslamabad memorandumunun birinci bəndinə zidd olduğu vurğulanan bəyanatda bu halların danışıqlar prosesinin dayandırılmasına səbəb olacağı bildirilib.

Daha əvvəl ABŞ Mərkəzi Komandanlığı (CENTCOM) İrandakı hərbi hədəflərə "əlavə zərbələr" endirildiyini açıqlayıb.

Oxşar xəbərlər

SEPAH ABŞ-nin Küveyt və Bəhreyndəki hərbi infrastrukturuna zərbələr endirib

SEPAH ABŞ ilə zərbə mübadiləsinin xronologiyası barədə məlumat yayıb

SEPAH: İranın raket anbarlarının böyük hissəsinə zərər dəyməyib

İran ABŞ bazalarına və İsrail obyektlərinə zərbələr endirdiyini bəyan edib

İsrail Ordusu Tehranda SEPAH-ın obyektlərinə yeni zərbələr endirdiyini açıqlayıb