Suriya Hörmüz boğazından yan keçəcək birgə dəniz yolu şəbəkəsinin yaradılması üçün region dövlətlərindən praktiki addımlar gözləyir.

"Sizinxeber.az" "The National" nəşrinə istinadən xəbər verir ki, bu barədə Suriyanın nəqliyyat naziri Yərub Bədr Dəməşqdə keçirilən Suriya-Britaniya biznes forumu çərçivəsində bildirib.

Onun sözlərinə görə, Dəməşq Suriya limanları ilə Fars körfəzi dövlətləri arasında yol şəbəkəsinin inkişaf etdirilməsini sərfəli hesab edir.

"Biz hər bir belə təşəbbüsü alqışlayırıq və bu marağın layihələrə çevrilməsini gözləyirik. Tarixi boyu Suriya şərqlə qərbi birləşdirmək üçün fundamental rol oynayıb", - Y. Bədr bildirib.

Onun sözlərinə görə, Suriya artıq müstəqil şəkildə avtomobil və dəmir yolları şəbəkəsini inkişaf etdirir.

"The National"ın məlumatına görə, aprel ayında Suriya, Türkiyə və İordaniya "Şimal-Cənub" nəqliyyat dəhlizini Səudiyyə Ərəbistanının dəmir yolları ilə birləşdirmək imkanı daxil olmaqla, inkişaf etdirmək barədə razılığa gəlib.

Oxşar xəbərlər

Suriya və Səudiyyə Ərəbistanı 6 milyard dollarlıq sazişlər imzalayıb

Britaniya Suriya ilə diplomatik münasibətləri bərpa edir

İsrail qoşunlarını Qəzzadan Suriya sərhədinə köçürür

Suriya-Türkiyə sərhəd keçid məntəqələri fasiləsiz iş rejiminə keçir

Suriya zəvvarların daşınması üçün Türkiyə və Səudiyyə Ərəbistanı ilə sazişlər imzalayıb