İsrail Ordusunun Hərbi Hava Qüvvələri Tehrana yeni zərbələr endirib.

"Report"un məlumatına görə, bu barədə ordunun Mətbuat xidməti xəbər verib.

Qeyd olunur ki, bu dəfə hücumların hədəfi İslam İnqilabı Keşikçiləri Korpusunun (SEPAH) qərargahı olub. Xüsusən Tehrandakı Baş Qərargahdakı əsas infrastruktur və Hərbi Hava Qüvvələrinin qərargahı zərbələrə məruz qalıb.

Bundan əlavə, İsrail aviasiyası ballistik raket anbarına, eləcə də İsrailə raket atmaq üçün hazırlanmış buraxılış qurğularına hücum edib.

Xatırladaq ki, ABŞ və İsrail fevralın 28-də İrana qarşı hərbi əməliyyatlara başlayıb və bir sıra şəhərlərə hava zərbələri endirib. Elə həmin gün zərbələr nəticəsində İranın Ali rəhbəri Əli Xamenei öldürülüb. Buna cavab olaraq İran İsrail ərazisinə raket atıb və Körfəz ölkələrindəki ABŞ hərbi bazalarına hücum edib. Vəziyyətlə əlaqədar olaraq regionun bəzi dövlətləri hava məkanını müvəqqəti bağlayıb.

Oxşar xəbərlər

İsrail İrandan yeni raket hücumu barədə məlumat verib

SEPAH ABŞ-nin İraqdakı bazasına zərbə endirildiyini bəyan edib

İran SELEN konteyner gəmisini Hörmüz boğazına yerləşdirib

SEPAH: İranın raket anbarlarının böyük hissəsinə zərər dəyməyib

İsrail ordusu: İran raketlərinin zərərsizləşdirilməsi üzərində iş aparılır