Qırğızıstan Prezidenti Sadır Japarov nəvələrinə smartfonları qadağan etdiyini bildirib və valideynlərə bu nümunəni izləməyi tövsiyə edib.

"Report" yerli mediaya istinadən xəbər verir ki, o, bu barədə Cumqal rayonunun sakinləri ilə görüşündə deyib.

Onun sözlərinə görə, məktəblərdə ölkənin tarixini, adət və ənənələrini öyrədirlər, lakin internet əsrində uşaqlar tez-tez telefondan istifadə edirlər.

"Mən, məsələn, nəvələrimə smartfon verilməsini qadağan edirəm. Ailədən onlarla oynamağı, danışmağı xahiş edirəm. Bir çox valideynlər sakitlik istəyir və başlarını qatmaq üçün uşaqlara telefon verirlər. Elə olur ki, evdə onlarla heç kim danışmır. Biz məktəbdən gəlirdik, valideynlərimizlə çay içirdik, onlar bizimlə fikirlərini bölüşür, nağıllar danışırdılar. Smartfonlarla bağlı problem təkcə bizim ölkəmizdə deyil. Biz birlikdə təsir göstərə, uşaqlara tariximiz, adət və ənənələrimiz barədə danışa bilərik", - S.Japarov qeyd edib.

Oxşar xəbərlər

Sadır Japarov Avropa Parlamentini Qırğızıstanın işlərinə qarışmamağa çağırıb

Sadır Japarov Qərbin Bişkekə diktə etməməli olduğunu bəyan edib

Sadır Japarov: COP29 ən yüksək səviyyədə təşkil olunub

Sadır Japarov Almazbek Atambayevə amnistiya veriləcəyini güman edir

Sadır Japarov: Türk dövlətlərinin COP29-da fəal iştirakı dayanıqlı gələcəyə nail olmağa kömək edəcək