Ermənistanın Baş naziri Nikol Paşinyan bütün ermənilərin katolikosu II Qareginin devrilməsi ilə bağlı hazırladığı fəaliyyət planını dərc edib.

“Report” xəbər verir ki, baş nazir bu barədə “Facebook” hesabında yazıb.

Baş nazirin fikrincə, yeni katolikos seçkiləri kilsənin orta əsr nizamnaməsi əsasında Erməni Apostol Kilsəsinin yeni Nizamnaməsi təsdiq edilənə qədər keçirilməməlidir. Qədim erməni dilində deyil, hamının başa düşdüyü müasir erməni dilində olacaq bu Nizamnaməni Milli Kilsə Şurası təsdiq etməlidir.

Bundan sonra Paşinyan dürüstlüyü yoxlanılacaq namizədlərin iştirak edəcəyi seçkilərin keçirilməsini təklif edir. Namizədlərin uyğunluğu, seçki proseduru da Nizamnamə ilə müəyyən edilməlidir.

Qeyd edək ki, Ermənistan hökuməti ilə Erməni Apostol Kilsəsi arasında qarşıdurma Paşinyanın sosial şəbəkədə yüksək rütbəli ruhanilərə qarşı son dərəcə sərt ifadələr və ittihamlar səsləndirdiyi paylaşımlarından sonra kəskinləşib. Daha sonra o, bütün ermənilərin katolikosunun seçilməsi qaydasına dəyişiklik edilməsini təklif edib və bu prosesdə dövlətin həlledici rolunun təsbit edilməsini nəzərdə tutub.

Oxşar xəbərlər

Paşinyan yeni katolikosu müəyyən edəcək seçkilərin keçirilməsinin vacibliyini bəyan edib

Paşinyan II Qareginin istefasını tələb edib

Nikol Paşinyan: II Qaregin subaylıq əhdini pozub, övladı da var

Paşinyan yenidən II Qaregindən izahat tələb edib: Susmaq razılıq deməkdir

Paşinyan kilsədən şəffaf iqtisadi fəaliyyət tələb etmək istəyir