İsveçrənin Bürgenştok şəhərində keçirilən danışıqlar zamanı Hörmüz boğazından gəmilərin təhlükəsiz keçidini təmin edəcək xüsusi mexanizmin yaradılması barədə qərar qəbul olunub.

"Tasnim" agentliyi xəbər verir ki, bu barədə İran Xarici İşlər Nazirliyinin sözçüsü İsmayıl Bəqayi bildirib.

“Gəmilərin Hörmüz boğazından təhlükəsiz keçidini təmin edən mexanizmin yaradılması qərara alınıb”, - deyə diplomat vurğulayıb.

Bəqayi qeyd edib ki, Tehran bütün cəbhələrdə, o cümlədən Livanda hərbi əməliyyatların dayandırılmasını yekun sazişin hazırlanmasından əvvəl əsas şərt hesab edir.

Onun sözlərinə görə, İran nümayəndə heyəti tərəflərin üzərinə götürdüyü öhdəliklərə, xüsusilə də İsrail tərəfindən atəşkəsin qorunmasına ciddi əməl olunmasını tələb edir.

Oxşar xəbərlər

ABŞ-İran danışıqlarında 60 gün ərzində yekun razılaşmanın əldə olunmasına dair yol xəritəsi razılaşdırılıb

XİN: İran üçün Cənubi Qafqazda təhlükəsizlik vacibdir

İran nümayəndə heyəti ABŞ-la danışıqlar üçün İsveçrəyə yola düşüb

İran XİN: Zəngəzur dəhlizi ilə bağlı danışıqlar aparırıq

Bəqayi: İran və region ölkələri Hörmüz boğazının təhlükəsizliyini təmin edə bilər