Ermənistanın baş naziri Nikol Paşinyan İsveçrədəki erməni icmasının nümayəndələri ilə görüşündə Erməni Apostol Kilsəsinin iqtisadi fəaliyyətinin qeyri-şəffaflığını problem hesab etdiyini bildirib.

“Sizinxeber.az” xəbər verir ki, bu barədə TASS məlumat yayıb.

“Diaspor nümayəndələrindən biri hökumətlə kilsə arasında hansı problemlərin olduğunu soruşub. Ona dedim ki, məncə, kilsə şəffaf olmalıdır. Hamı hökumətdən şəffaflıq gözləyir. Biz bu tələblə razıyıq, bəs niyə kilsə qeyri-şəffaf olmalıdır?" - Ermənistan Nazirlər Kabinetinin rəhbəri soruşub.

N.Paşinyan bildirib ki, əgər dövlətdə kimsə nəsə satırsa, vergi ödəyirsə, “bəs niyə kilsə şam satanda ödəmir?".

"Amma biz bu pulları büdcəyə göndərmək fikrində deyilik, hamısını son qəpiyinə qədər kilsəyə qaytaracağıq", - o əlavə edib.

Baş nazir, həmçinin kilsənin fəaliyyəti dövlətdən ayrı olduğu üçün bütün ermənilərin katolikosu II Qaregini dəyişmək məqsədi güdmədiyini vurğulayıb.

Oxşar xəbərlər

Nikol sirri açdı: Almatı Bəyanatından niyə bərk yapışıb?

Paşinyan Lavrovun açıqlamasını vecinə almadı

Paşinyan: “Ermənistan Qarabağ uğrunda döyüşməyəcək”

Ermənistanın baş naziri: “Daha Moskvaya öz təhlükəsizliyimizin qarantı kimi arxalana bilmərik”

Paşinyan BRICS sammitində iştirak edəcək