Bu gün "Azərikard" MMC-yə üzv olan bir sıra bankların müştərilərinin hesablarından vəsaitlərin təkrar silinməsi məsələsi ilə bağlı olan insident hər-hansı kibermüdaxilə və ya dələduzluq halları ilə bağlı deyil, texniki səbəblərdən baş verib.

Bu barədə "Report"a Azərbaycan Mərkəzi Bankından (AMB) bildirilib.

"Əhalinin diqqətinə çatdırılır ki, AMB-nin ödəniş sistemlərinin, eləcə də ölkədə fəaliyyət göstərən prosessinq mərkəzlərinin və kommersiya banklarının informasiya sistemləri və ödəniş infrastrukturunun sabitliyi, davamlılığı və etibarlılığı ilə əlaqədar hər-hansı çətinlik müşahidə olunmur.

Qeyd olunan texniki nasazlıq aidiyyəti üzrə artıq aradan qaldırılıb", - açıqlamada deyilir.

Bildirilir ki, bank xidmətləri müştərilərindən yalnız rəsmi mənbələrdə əks etdirilən məlumatlara istinad edilməsi xahiş olunur.

17:15

Azərbaycanda bəzi bankların kart əməliyyatlarında texniki problem "Azerikard" MMC-dən qaynaqlanmır.

Bu barədə "Report"a şirkətdən bildirilib.

Məlumata əsasən, bu hal banklararası hesablaşma fayllarının emalı zamanı "Azerikard"dan asılı olmayan texniki səbəbdən baş vermiş təkrarlanmalarla bağlı yaranıb: "Təkrarlanmış əməliyyatlar ləğv edilərək hesablar tədricən bərpa olunmaqdadır. Məsələ yaxın zamanlarda tam həllini tapacaq".

Oxşar xəbərlər

Azərbaycanda bəzi bankların kart əməliyyatlarında texniki problem yaşanır

"Azericard": Bəzi bankların kart əməliyyatlarında texniki problem bizdən qaynaqlanmır

AYNA: Bakıda metro və avtobuslarda onlayn ödəniş problemi aradan qaldırılıb

“BakıKart”ın QR-la ödəniş sistemində texniki çətinlik yaranıb

TƏBİB: Bəzi tibb müəssisələrinin elektron qeydiyyat sistemindəki texniki nasazlıq aradan qaldırılıb - YENİLƏNİB