Diplomatik tədbirlər İran və İsrail arasında gərginliyin daha da artmasının qarşısını ala bilər.

"Report" xəbər verir ki, bu barədə İran xarici işlər naziri (XİN) Abbas Əraqçi İstanbulda keçirilən İslam Əməkdaşlıq Təşkilatının (İƏT) Xarici İşlər Nazirləri Şurasının 51-ci sessiyası çərçivəsində “Associated Press”ə bildirib.

"Hazırda qanuni özünümüdafiə hüququmuzu həyata keçiririk. Diplomatiya keçmişdə nəticə vermiş bir yoldur və şübhəsiz ki, yenidən işə yaraya bilər. Lakin danışıqlar masasına qayıda bilməyimiz üçün təcavüz dərhal dayandırılmalıdır. Aydındır ki, xalqımız kütləvi bombardmana məruz qaldığı müddətdə ABŞ ilə dialoq apara bilmərəm", - XİN rəhbəri qeyd edib.

A.Əraqçi, ABŞ-nin əvvəldən İsrailin İrana qarşı hərbi əməliyyatını dəstəkləməsi faktından təəssüfləndiyini bildirib: "Onlar (amerikalılar - red.) inkar edirlər, bunda iştirak etmədiklərini deməyə davam edirlər. Lakin onların ilk gündən cəlb olunduqlarına dair çoxsaylı sübutlarımız var".

Oxşar xəbərlər

Abbas Əraqçi: İsrailin hücumları davam etdikcə İran danışıqlar aparmayacaq

İran XİN: İsrail zərbələr endirdiyi müddətdə danışıqlar aparmayacağıq

Kaya Kallas və Abbas Əraqçi İsrail-İran qarşıdurmasını müzakirə ediblər

XİN rəhbəri: ABŞ İrana hücum üçün danışıqlarından örtük kimi istifadə edə bilər

XİN rəhbəri: ABŞ İrana hücum üçün danışıqlardan örtük kimi istifadə edə bilər