Rusiyanın İrkutsk vilayətinin Baykalsk şəhərində yeniyetmə bıçaqla dörd həmyaşıdını qətlə yetirib, daha sonra baş verən yanğın nəticəsində özü də ölüb.

Sizinxeber.az "Gazeta.ru"ya istinadən xəbər verir ki, bu barədə Rusiya İstintaq Komitəsi "Telegram" kanalında məlumat yayıb.

İstintaq versiyasına görə, hadisə “Qornıy Baykal” bağçılıq kooperativində yerləşən fərdi evdə baş verib. Eyni evdə olan yeniyetmələrdən biri digərlərinə bıçaqla hücum edib. Dörd nəfər hadisə yerində ölüb, daha dörd yeniyetmə isə müxtəlif xəsarətlərlə xəstəxanaya çatdırılıb.

“Hücum edən şəxs daha sonra evi yandırıb və baş verən yanğın nəticəsində ölüb”, - İstintaq Komitəsi bildirib.

Hadisə yerində beş yeniyetmənin meyiti aşkarlanıb. Faktla bağlı qətl maddəsi ilə cinayət işi açılıb. Hadisənin bütün detalları araşdırılır.

Oxşar xəbərlər

Rusiyada bıçaqlı hücumda 5 yeniyetmə ölüb

Rusiyada ata azyaşlı 4 uşağını qətlə yetirib

Hindistanda hoteldə baş verən yanğında azı 14 nəfər həlak olub

Rusiyada yanğın zamanı 5 uşağın ölməsi ilə bağlı cinayət işi açılıb - YENİLƏNİB

Rusiyada yanğın zamanı dörd uşağın ölməsi ilə bağlı cinayət işi açılıb