Amerika lideri Donald Tramp ABŞ-yə idxal olunan mallara tətbiq edilən rüsumların yenidən artırılmasını istisna etməyib.

“Report” xəbər verir ki, bu barədə Tramp “Fox News” müsahibəsində danışıb

O, gələcəkdə ABŞ-nin tarif siyasətində dəyişikliklər edə bilərmi sualına cavabında deyib: “Biz bəzi tarifləri qaldıra bilərik. Mən onları aşağı salacağımızı düşünmürəm, amma artıra bilərik. Baxın, ölkəmiz uzun onilliklərdir ki, qarət olunub. Biz daha buna imkan verməyəcəyik”.

Martın 4-də ABŞ administrasiyası Kanada və Meksikadan demək olar ki, bütün idxal olunan mallara 25% gömrük rüsumları tətbiq edib, həmçinin Çindən gələn mallara tətbiq edilən tarifləri 10%-dən 20%-ə qaldırıb.

Martın 6-da Tramp üçtərəfli ticarət sazişi çərçivəsində Kanada və Meksikadan gətirilən mallara 25 faizlik idxal tariflərinin tətbiqini aprelin 2-dək təxirə salmaq barədə sərəncam imzalayıb. O, qeyd edib ki, həmin tarixdən sonra belə rahatlamalar olmayacaq.

Oxşar xəbərlər

ABŞ Kanada, Çin və Meksikadan idxal edilən mallara rüsum tətbiq edəcək - YENİLƏNİB

KİV: Tramp Trüdo ilə telefon danışığı aparıb

Kanada ABŞ-dən 155 milyard dollarlıq mallara 25% cavab rüsumları tətbiq edəcək

Kanada ABŞ-yə qarşı tariflərin bir hissəsini təxirə salıb

Tramp Castin Trüdoya xəbərdarlıq edib