Kanada hakimiyyət orqanları ABŞ-Kanada-Meksika Sazişinə (USMCA) uyğun gələn, yerli mallara rüsumları dayandırmaq qərarına cavab olaraq Amerika əleyhinə bəzi tariflərinin tətbiqini aprelin 2-dək təxirə salacaq.

“Report” xəbər verir ki, bu barədə ölkənin maliyyə naziri Dominik Leblan “X” sosial şəbəkəsində yazıb.

"Birləşmiş Ştatlar aprelin 2-dək CUSMA müqaviləsinə (USMCA müqaviləsinin Kanadada yazılışı - red.) uyğun gələn Kanada ixracına tarifləri dayandırmağa razılaşıb. Nəticədə, Kanada 2 aprelə qədər ABŞ mallarına 125 milyard dollar (Kanada) (87 milyard dollar) tariflərinin ikinci hissəsini tətbiq etməyəcək", - paylaşımda deyilir.

Bundan əvvəl ABŞ Prezidenti Donald Tramp Kanada və Meksikadan üçtərəfli ticarət sazişinə daxil olan mallara 25 faizlik idxal rüsumunun tətbiqinin aprelin 2-dək təxirə salınması barədə sərəncam imzalayıb. ABŞ lideri bu tarixdən sonra belə güzəştlərin olmayacağını vurğulayıb.

Oxşar xəbərlər

Tramp aprelin 2-dək Meksikanın bəzi mallarına rüsumları dayandırıb

KİV: Tramp Trüdo ilə telefon danışığı aparıb

Kanada ABŞ-dən 155 milyard dollarlıq mallara 25% cavab rüsumları tətbiq edəcək

ABŞ Kanada, Çin və Meksikadan idxal edilən mallara rüsum tətbiq edəcək - YENİLƏNİB

ABŞ bu gün Kanada və Meksika mallarına rüsumların azaldılmasını elan edə bilər