Sağçı müxalifət Venesuela hökumətinə qarşı çevriliş cəhdi hazırlamaq üçün ABŞ Beynəlxalq İnkişaf Agentliyinin (USAID) maliyyə vəsaitindən istifadə edib.

“Report” xəbər verir ki, bu barədə ölkənin baş prokuroru Tarek Uilyam Saab “Cable a Tierra” radiostansiyasına müsahibəsində bildirib.

“USAID-dən pul alan venesuelalı sağçı ekstremistlər həmin vəsaitdən qanuni hökumətə qarşı sui-qəsd hazırlamaqda istifadə etdiklərinə görə təhqiqat altındadırlar”, - Saab vurğulayıb.

Onun sözlərinə görə, hazırda özünü prezident elan etmiş Xuan Quaydonun qondarma müvəqqəti hökumətinin USAID-in vəsaitlərindən qeyri-qanuni istifadəyə imkan verən korrupsiya sxemləri ilə bağlı araşdırmalar aparılır.

Saab həmçinin qeyd edib ki, 2023-cü ildə aktivlərin oğurlanması, hakimiyyəti qəsb etmək, sui-qəsd, terror aktlarına köməklik etmək və dövlətə xəyanət ittihamları ilə Quaydo və onun tərəfdaşlarının həbsi və Venesuela ədliyyəsinə təhvil verilməsi üçün İnterpola sorğu göndərilib.

Oxşar xəbərlər

Venesuela USAID-i hökumətin devrilməsini maliyyələşdirməkdə ittiham edib

BMT USAID-ın bağlanması barədə: ABŞ rəhbərliyi ilə konstruktiv dialoqa sadiqik

Meksika USAID-in bağlanmasını dəstəkləyir

Mask USAID-in ləğv prosesinin başlandığını bildirib

USAID-in rəsmi saytı fəaliyyətini dayandırıb