Ermənistanda Zəngəzur mis-molibden kombinatının işçiləri artıq ikinci gündür ki, əməkhaqqının 50 % artırılması tələbi ilə aksiya keçirirlər.

“Report” xəbər verir ki, bu barədə Ermənistan KİV-i məlumat yayıb.

Ermənistanın mədənçilər, metallurqlar və zərgərlərin həmkarlar ittifaqları respublika birliyinin sədri Eduard Paxlevanyan müəssisəyə gələrək bildirib ki, işçilər kombinatın rəhbərliyinə öz tələbləri barədə məlumat verməyib və tətil edəcəkləri ilə bağlı xəbərdarlıq etməyiblər.

"İndi biz bu işçilərin şirkət rəhbərliyi ilə görüşünü təşkil etmək istəyirik. Əgər rəhbərlər imtina etsə, biz işçilərə tətilin qanuni sayılması üçün hansı tələblərin yerinə yetirilməli olduğunu izah edəcəyik", - o əlavə edib.
Sədrin sözlərinə görə, təxminən 200 nəfər işə çıxmayıb.

Oxşar xəbərlər

Hindistanda “Samsung” şirkətinin tətil edən 250-yə yaxın işçisi saxlanılıb

“Volkswagen”in işçiləri ixtisarlara qarşı tətil edəcəklər

Ermənistanda Ali Məhkəmə Şurasının sədri istefa verib

Çilidə dünyanın ən böyük mis mədənində çalışan işçilər tətilə başlayıblar