Avropa Şurasının sədri Antonio Koşta bildirib ki, Avropa İttifaqı Rusiya ilə danışıqlar üçün hələ münasib vaxtın yetişdiyini düşünmür, lakin Moskva ilə birbaşa diplomatik kanalların yaradılmasını vacib hesab edir.

Sizinxeber.az xəbər verir ki, o, bu barədə Aİ sammitinin yekunlarına dair mətbuat konfransında danışıb.

“Təəssüf ki, Rusiya ilə danışıqlar üçün hələ uyğun vaxt yetişməyib. Lakin biz dərhal birbaşa diplomatik kanal yaratmalıyıq. Çünki onları dinləməli və onlarla danışmalıyıq”, – deyə Koşta bildirib.

Onun sözlərinə görə, Aİ liderlərinin hamısı gələcək danışıqlar masasında Avropa İttifaqının təmsil olunmalı olduğunu deyir.

“Əgər Aİ danışıqlar masasında oturmalıdırsa, onda danışmağa indidən başlamalıyıq”, – deyə Avropa Şurasının sədri vurğulayıb.

Koşta əlavə edib ki, Avropa İttifaqının maraqlarını yalnız Aİ institutları təmsil edə bilər.

Oxşar xəbərlər

Koşta Trampın mövqeyi barədə: Yalnız Ukrayna öz gələcəyi ilə bağlı danışıqlar apara bilər

Antonio Koşta Prezident İlham Əliyevə zəng edib

Koşta: Aİ Ermənistanla əməkdaşlığı dərinləşdirir və Ukraynaya dəstəyi davam etdirəcək

Antonio Koşta: Aİ-nin gələcək üzvü kimi Ukrayna ilə çiyin-çiyinə dayanmağa davam edəcəyik

Aİ lideri Antonio Koşta Azərbaycan Prezidentinə zəng edib