Yanvarın 6-da Avropada qaz qiyməti dekabrın 31-dən bəri minimum həddə düşüb.

“Sizinxeber.az” xəbər verir ki, bu, “Investing.com” platformasında dərc edilmiş London ICE birjasının məlumatlarında əks olunub.

Günün əvvəlindən qiymət təxminən iki faiz azalıb. Niderlandın TTF habında fevral fyuçersinin qiyməti min kubmetr üçün 517,5 dollara və ya meqavatt-saat üçün 48,31 avroya düşüb.

Avropa Komissiyasının nümayəndəsi Anna-Kaisa İtkonen yanvarın 6-da bildirib ki, Ukrayna vasitəsilə Rusiya qazının tədarükünün dayandırılmasından sonra Avropa İttifaqında elektrik enerjisinin qiymətlərində kəskin artım müşahidə edilmir.

Yanvarın 2-də məlumat verilmişdi ki, Ukrayna üzərindən tranzit dayandırıldıqdan sonra Avropada qaz qiyməti 2023-cü ilin oktyabrından bəri maksimum həddə çatıb. Tədarükün dayandırılmasından ilk zərər çəkən Moldova olub, Dnestryanıda isə, demək olar, bütün müəssisələr fəaliyyətini dayandırıb.

Oxşar xəbərlər

Avropada qaz qiyməti dekabrın sonundan bəri minimum həddə düşüb

Rusiya qazının Avropaya tədarükü dayandırıldıqdan sonra Aİ-də enerji qiymətlərində artım müşahidə edilmir

Avropada qaz qiymətləri 2023-cü ilin oktyabrından bəri ən yüksək həddə çatıb

Avropada qazın qiyməti 435 dollara yaxınlaşıb

Təbii qaz rekord həddə bahalaşıb