Rusiya qazının Ukrayna ərazisindən tədarükü dayandırıldıqdan sonra Avropa İttifaqında (Aİ) elektrik enerjisinin qiymətlərində hələlik artım müşahidə edilmir.

“Report” Rusiya KİV-lərinə istinadən xəbər verir ki, bunu Brüsseldə keçirilən mətbuat konfransında Avropa Komissiyasının (AK) nümayəndəsi Anna-Kaysa İtkonen deyib.

"Yeni ildə qiymət artımı müşahidə etmədik, bazar sabit olaraq qalır", - o, jurnalistlərin müvafiq sualını cavablandırarkən bildirib.

İtkonen vurğulayıb ki, AK elektrik enerjisinin qiymətləri ilə bağlı vəziyyəti diqqətlə izləyir.

Qeyd edək ki, 2025-ci il yanvarın 1-dən Kiyevin Moskva ilə tranzit müqaviləsini uzatmaması səbəbindən Rusiya qazının Ukrayna ərazisindən Aİ-yə tədarükü dayandırılıb.

Oxşar xəbərlər

ENI rəhbəri: "Avropa Rusiya qazının Ukrayna üzərindən tranziti olmadan da keçinə bilər"

Slovakiya Rusiya qazının Avropaya nəqlini dayandıran Ukraynaya qarşı cavab tədbirləri hazırlayır

Putin: Ukrayna Rusiya qazının tranzitini bağlamaqla Avropanı cəzalandırır

KİV: Avropa yeni enerji böhranı ilə üzləşib

Orban: Macarıstan Rusiya qazının Ukrayna üzərindən tranzitinin saxlanması variantlarını müzakirə edir