Pakistan ordusu Xayber-Paxtunxva əyalətində üç antiterror əməliyyatı zamanı ən azı 13 yaraqlını məhv edib.

“Sizinxeber.az” xəbər verir ki, bu barədə İslam Respublikasının Silahlı Qüvvələrinin İctimaiyyətlə Əlaqələr üzrə İdarələrarası Xidməti məlumat verib.

Qurumun məlumatına görə, dekabrın 26-sı gecə Pakistan hərbçiləri Bannu, Şimali Vəziristan və Cənubi Vəziristan rayonlarında ekstremistlərdən təmizləmə əməliyyatları həyata keçiriblər. Hədəf ölkədə yasaqlanmış “Fitna əl-Xəvaric” (əvvəllər “Təhrik-i-Taliban Pakistan” kimi tanınırdı) qruplaşmasının döyüşçüləri olub.

Toqquşmalarda 13 terrorçunun məhv edildiyi, 16 nəfərin yaralandığı və bir hərbçinin həlak olduğu bildirilib.

Oxşar xəbərlər

Pakistan-Əfqanıstan sərhədində toqquşmalarda 28 nəfər ölüb

Türkiyə ordusu son 3 gündə 56 terrorçunu məhv edib

Pakistan sərhədçiləri ilə Taliban döyüşçüləri arasında sərhəddə toqquşma olub

Pakistan sərhədçiləri ilə Taliban döyüşçüləri arasında toqquşma olub

Pakistan ordusu Bəlucistanda yaraqlıların mövqelərinə zərbələr endirir