Bəzən filmə-seriala dəvət mesajında rejissorlar beş səhvə yol verirlər.

Bunu "Report"a müsahibəsində Əməkdar artist Məsmə Aslanqızı deyib.

Aktrisa son illərdə bir neçə serial təklifindən imtina etdiyini bildirib.

"Ssenariləri məni qane etməmişdi, mənim üçün ssenari çox-çox vacibdir. Başqa tərəfdən isə rejissordan rejissora da fərq var. Bilirsiniz, rejissor məndə yaxşı fikir yaratmırsa, getmirəm. Mən 30 ildir, teatrdayam, bu illər ərzində yığdığım hörməti hansısa bir filmdə, serialda alacağım müəyyən qonorar xətrinə itirə bilmərəm. Bu mənada, seçici davranıram. Ən kiçik nümunəni deyim, bir də görürsən, mesaj gəlir, oxuyursan ki, bir mesajda beş dənə səhv var. Yəni adi bir təklif, adi bir dəvətdə belə bu cür xətalar məni soyudur, çünki bu ilkin təəssüratdır".

Məsmə Aslanqızı "Mikrorayon" serialına dəvət edilməsinə də toxunub.

"Mikrorayon"a dəvət gəldi, ssenarini oxudum, oxuduqca inanın ki, əllərim əsirdi. Çünki bu obrazı həyatıma çox yaxın hiss edirdim. Çəkdiyim əziyyətlər, problemlər, təklik... Oxuduqca bütün bunlar mənim gözümün qarşısından keçdi və başa düşdüm ki, Bahar mənəm. Rejissor Qulu Əsgərova da məhz belə dedim, dedim ki, bilmirəm, siz bu rola kimi təsdiq edəcəksiniz, amma Bahar mənəm".

Müsahibənin tam mətni ilə buradan tanış ola bilərsiniz.

Oxşar xəbərlər

Əməkdar artist Mirzə Ağabəyli: Bu gün Azərbaycan kinosunda rejissor çatışmazlığı var

Əməkdar artist: Bəzi aktyorlar aləmi bir-birinə qataraq fəxri ad alıblar

Əməkdar artist: Dublyaj sənətçilərinə verilən qonorar çox aşağıdır

"Turan Tovuz" Ayxan Hüseynovla yollarını ayırdığını açıqlayıb

Mirzə Ağabəyli: Filmdə Baladadaşın başındakı papaq mənimdir, özümü bəyənmədilər, papağımı çəkdilər - MÜSAHİBƏ