İsrailin İordaniyadakı səfirliyi yaxınlığında atışma törədən şəxs zərərsizləşdirilib.

“Report” xəbər verir ki, bu barədə Qətərin “Al Jazeera” telekanalı məlumat yayıb.

Mənbə bildirib ki, hadisə zamanı səfirliyin 3 təhlükəsizlik işçisi yaralanıb. Diplomatik nümayəndəliyin yerləşdiyi ərazidə vəziyyət nəzarət altındadır.

Xatırladaq ki, Ammanda səfirlik yaxınlığında atışma ilə bağlı məlumat noyabrın 24-nə keçən gecə yayılıb. Polis və təcili yardım maşınlarının Rabiya rayonuna cəlb olunduğu bildirilib.

İsrailin İordaniyanın paytaxtı Ammandakı səfirliyi yaxınlığında atışma baş verib.

“Report”un xəbərinə görə, bu barədə “Al Arabiya” telekanalı məlumat yayıb.

Məlumata görə, ətraf küçələr təhlükəsizlik qüvvələrinin əməkdaşları tərəfindən bağlanıb. Hadisə yerinə təcili yardım maşınları cəlb olunub.

Telekanal İordaniya mətbuatına istinadən xəbər verir ki, hakimiyyət orqanları sakinlərə evdə qalmaq və bütün pəncərələri bağlamaq barədə xəbərdarlıq edib.

Oxşar xəbərlər

İsrailin İordaniyadakı Səfirliyi yaxınlığında atışma olub

İsrail Baş Konsulluğu yaxınlığında atəş açan şəxs zərərsizləşdirilib - YENİLƏNİB

İsrailin Kopenhagendəki səfirliyi yaxınlığında iki partlayış baş verib

İsrailin Danimarkadakı səfirliyi yaxınlığında partlayış törədilib

İsrailin Hindistandakı səfirliyi yaxınlığında partlayış baş verib