Ukraynada müharibənin başa çatmasının əsas ssenarilərindən biri cəbhə xətti boyunca münaqişənin dondurulması ola bilər.

“Report” Ukrayna mediasına istinadən xəbər verir ki, bunu Prezident Ofisinin rəhbərinin müşaviri Mixail Podolyak İtaliyanın “La Repubblica” nəşrinə müsahibəsində bildirib.

"Ukraynanın ilkin mövqeyi belədir: biz başa düşürük ki, bu müharibədən çıxmağın əsas ssenarilərindən biri cəbhə xətti boyunca münaqişənin dondurulmasıdır. Bunlar bu gün Rusiyanın de-fakto işğal etdiyi ərazilərdir. Onlar belə də qalacaq. Sonra isə bu ərazilərin Ukraynaya qaytarılması üçün iqtisadi, diplomatik və digər vasitələrlə böyük iş aparılacaq. Lakin de-yure onlar Ukrayna ərazisi olaraq qalacaq", - Podolyak bildirib.

O bu ərazilərin Rusiyaya verilməsi ehtimalını tamamilə istisna edib.

Oxşar xəbərlər

Podolyak: Ukrayna Rusiya ilə danışıqlara hazırdır

Podolyak: Ukrayna Rusiya ilə danışıqların aparılması qaydalarının razılaşdırılmasını istəyir

Mixaylo Podolyak: Ukrayna ABŞ-də kimin prezident seçilməsindən asılı olmayaraq dəstəyin davam etdirilməsini istəyir

Zelenskinin Ofisinin müşaviri: NATO-ya üzvlüyümüzlə bağlı ABŞ və Almaniyada şübhələr var

Podolyak: Avropalılar Rusiyanın müharibəni dondurub, Avropada təxribatlarının sayını artırmasına hazırdırlarmı?