Almaniya təhlükəsizlik sahəsində siyasətin daha səmərəli əlaqələndirilməsi üçün Milli Təhlükəsizlik Şurasının formalaşdırılması prosesində irəliləyir.

“Report” xəbər verir ki, bu barədə “dpa” agentliyi hökumətdəki mənbələrə istinadən bildirib.

Şura ilə bağlı prosedur qaydalar Nazirlər Kabinetinin avqustun 27-də keçiriləcək iclasında təsdiqlənəcək.

Kanslerin rəhbərlik edəcəyi şuranın tərkibinə aparıcı nazirlər, həmçinin Almaniyanın federal torpaqlarının nümayəndələri, müttəfiq ölkələrin və təşkilatların (Avropa İttifaqı, NATO) rəsmi şəxsləri daxil olacaq.

Şura daxili, xarici, rəqəmsal və iqtisadi təhlükəsizlik də daxil olmaqla milli təhlükəsizliyin müxtəlif aspektləri ilə məşğul olacaq.

Milli Təhlükəsizlik Şurası böhran zamanı toplanacaq, eləcə də uzunmüddətli strategiyalar hazırlayacaq.

Oxşar xəbərlər

Marko Rubio Milli Təhlükəsizlik Şurasında ciddi islahatlar apara bilər

Rusiya Təhlükəsizlik Şurasının katibi İrana gedib

Gürcüstan parlamenti Təhlükəsizlik Şurasının ləğvi haqqında qanunu qəbul edib

Türk Dövlətləri Təşkilatının Milli Təhlükəsizlik Şurasının sədrləri Türküstanda toplaşıb

Myanmada yeni ittifaq hökuməti formalaşdırılıb