Şinciro Koizumi Yaponiyanın “yeni militarizm” (silahlanma) siyasəti yürütməsi ilə bağlı ittihamları rədd edib və Çini hərbi gücünü sürətlə, kifayət qədər şəffaflıq olmadan artırmaqda tənqid edib.

Reuters-in məlumatına görə, Yaponiya müdafiə naziri bu fikirləri Sinqapurda keçirilən “Şanqri-La Dialoqu” təhlükəsizlik forumunda səsləndirib. Onun sözlərinə görə, Çin yüksək səviyyədə müdafiə xərclərini artırmağa davam edir.

“Çinin xarici siyasət yanaşması və hərbi fəaliyyəti həm Yaponiya, həm də beynəlxalq ictimaiyyət üçün ciddi narahatlıq doğurur”, - deyə Koizumi bildirib.

O, Yaponiyanın “yeni militarizm”ə qayıtması ilə bağlı ittihamlara cavab olaraq bildirib ki, bunlar məntiqsizdir.

“Bir düşünün. Nəhəng nüvə arsenalına və strateji bombardmançı təyyarələrə malik bir ölkə var. Yaponiyada isə belə silahlar yoxdur, amma buna baxmayaraq Yaponiya ittiham edilir”, - deyə nazir vurğulayıb.

Oxşar xəbərlər

Yaponiya 2026-cı ildə müdafiəyə rekord həcmdə vəsait ayıracaq

Yaponiya Rusiya ilə sülh müqaviləsi bağlamaq niyyətindədir

ABŞ-ın müharibə naziri: Çin ölkəmizin təhlükəsizliyini təhdid edə bilməməlidir

Yaponiya rəsmisi: Təbii fəlakətlərə davamlı şəhərlərin qurulması əsas prioritetdir

Kreml: Yaponiya ölkəmizə qarşı açıq-aşkar qeyri-dost mövqe tutur