Maltanın Baş naziri Robert Abelanın lideri olduğu hakim Leyborist Partiyası parlament seçkilərində qalib gələrək hökumətin formalaşdırılması üçün ardıcıl dördüncü mandatı əldə edib.

"Report" "Reuters"ə istinadən xəbər verir ki, R. Abela partiyanın "güclü mandat" qazandığını bəyan edib.

"Bu, bütün xalqın qələbəsidir və vətəndaşlar üçün təqdim etdiyimiz proqrama əsaslanır", – o, jurnalistlərə deyib.

Yerli medianın məlumatına görə, Leyborist Partiyası parlamentdə çoxluğu təmin edib.

Müxalifət Milli Partiyasının baş katibi Çarlz Bonello məğlubiyyəti etiraf edərək qeyd edib ki, hakim partiya ilə səs fərqi əhəmiyyətli dərəcədə azaldılıb.

Seçkilərdə iştirak 87,4% təşkil edib ki, bu da əvvəlki səsvermə göstəricisindən bir qədər yüksəkdir.

R. Abelanın bazar ertəsi səhər and içməsi gözlənilir.

Oxşar xəbərlər

Yaponiyanın hakim partiyası 12 ildə ilk dəfə parlamentdəki çoxluğunu itirib

Gürcüstanın hakim partiyası parlamentdə 90-91 mandat alacaq

Kanadada keçirilən parlament seçkilərində “Liberal Partiya” liderdir

Macarıstanda parlament seçkilərində səsvermə başlayıb

Sosial-demokratlar Finlandiyada dairə və bələdiyyə seçkilərində qalib gəlirlər