"Müharibə dövründə Ukrayna hüquq mühafizə orqanları tərəfindən ölkəyə əcnəbilərin səfərinə nəzarət çox ciddiləşib".

Bunu "Report"un Şərqi Avropa bürosuna Ukraynada azərbaycanlı vəkil Şəmsi Məhərrəmov bildirib.

"Bu istər Ukraynaya girişdə, istərsə də ölkə daxilində sənədləşmədə özünü göstərir. Buna görə də biz məsləhət görərdik ki, əsasən Azərbaycan vətəndaşları Ukraynaya səfər edərkən gəlmə səbəbini düzgün göstərməlidirlər. Məsələn, iş ilə bağlı gəlirlərsə, aidiyyəti şirkətdən məktub olmalıdır. Yaxud təhsil üçün gəlirlərsə, aidiyyəti yerdən sənəd olmalıdır. Yaxud əgər artıq Ukraynanın daxilində yaşama icazəsi alarkən səbəb real göstərsinlər.

Əks halda bəlli bir zamandan sonra, Ukrayna Miqrasiya Xidməti və hüquq mühafizə orqanları tərəfindən aparılan araşdırmalar nəticəsində bir çox xarici vətəndaşların yaşamaq icazəsi ləğv olunur. Nəticədə onlar deportasiya edilirlər. Söhbət, saxta əsaslarla yaşamaq icazəsi alan şəxslərdən t gedir"deyə, Ş. Məhərrəmov əlavə edib.

Vəkil qeyd edib ki, Ukraynaya gələnlərin Moldovaya girişdə yaşadıqları problemlər əsasən səfər səbəbi ilə bağlı sənədin olmamasıdır: "Yaxşı olardı ki, üzərilərində dəvətnamə, yaxud, varsa Ukraynada yaşamaq və iş icazəsi ilə bağlı sənəd olsun".

Qeyd edək ki, Ukraynada müharibə başlayan gündən ölkənin hava məkanı bağlanıb. Azərbaycan vətəndaşları əsasən Moldova vasitəsi ilə Ukraynaya gedib gəlirlər.

Oxşar xəbərlər

Bu ilin birinci yarısında miqrasiya qanunvericiliyini pozan 1007 əcnəbi cərimələnib, ölkəyə girişləri məhdudlaşdırılıb

Finlandiya əcnəbilərin daimi yaşayış icazəsi almaq tələblərini sərtləşdirir

Bu ilin ilk üç ayında Azərbaycanda qanunsuz yaşayan və işləyən əcnəbilərin sayı açıqlanıb

DMX: Ötən ay müvəqqəti yaşama icazəsi ilə bağlı üç minə yaxın müraciət qeydə alınıb

Gürcüstanda əcnəbilərin ölkəyə giriş-çıxışı ilə bağlı qanun sərtləşdirilir