Suriya hökuməti Es-Suveyda vilayətində toqquşmalara səbəb olan hadisələri araşdırmaq üçün komitə yaradıb.

“Sizinxeber.az” xəbər verir ki, bu barədə “The Times of Israel” qəzeti Suriyanın Ədliyyə Nazirliyinə istinadən bildirib.

Qeyd olunub ki, yeddi nəfərdən (hakimlər, vəkillər və bir hərbçi ) ibarət olacaq komissiya hadisələrin baş vermə şəraitini araşdıracaq və üç ay ərzində hesabat təqdim edəcək.

Komissiya mülki şəxslərə hücumları və onlarla pis rəftar barədə məlumatları araşdıracaq və cinayətlərdə iştirakı sübut olunanları məhkəmə orqanlarına təhvil verəcək.

Qeyd edək ki, iyulun 13-də Suriyanın Es-Suveyda vilayətində yerli xalqlar arasında toqquşmalar başlayıb. İğtişaşları yatırmaq üçün şəhərə hökumət qüvvələri göndərilib, lakin qurbanların sayı artmaqda davam edib. Hökumət qüvvələri ilə yerli əhali arasında toqquşmaların dayandırılması və druzların müdafiəsi üçün İsrail Müdafiə Ordusu Suriya ordusuna qarşı aviahücumlar həyata keçiri8b.

Suriya İnsan Haqları Monitorinq Mərkəzinin məlumatına görə, Es-Suveyda vilayətində silahlı toqquşmalar nəticəsində təxminən 1300 nəfər ölüb.

Oxşar xəbərlər

İsrail Müdafiə Qüvvələri Suriya sərhədində xaosa hazır olmadığını bildirib

İsrael Kats: Dəməşq qoşunları əs-Süveydanı tərk etməsə, İsrail Ordusu Suriyaya zərbələri davam etdirəcək

Suriya DİN İsrailin Əs-Suveydaya müdaxiləsini pisləyib

İsrail Müdafiə Qüvvələri Suriya ilə sərhəddə druzlara qarşı gözyaşardıcı qaz tətbiq edib - YENİLƏNİB

Suriyanın cənubunda törədilən qətlləri araşdırmaq üçün komitə yaradılıb