Suriya hakimiyyəti ölkənin cənubundakı Əs-Suveyda vilayətində vəziyyətin gərginləşməsi zamanı törədilmiş qətlləri araşdırmaq üçün komitə yaradıb və bütün cinayətkarları məsuliyyətə cəlb edəcək.

"Report"un məlumatına görə, bu barədə Suriyanın keçid hökumətinin Müdafiə Nazirliyinin media ilə əlaqələr idarəsi məlumat verib.

Qurumun rəsmi "Telegram" kanalında dərc edilmiş bəyanata əsasən, Müdafiə Nazirliyi "Əs-Suveyda şəhərində hərbi formada olan naməlum qrup tərəfindən törədilmiş ciddi pozuntular barədə məlumatları izləyib".

"Əs-Suveyda şəhərində qanun pozuntularını törədənlərə qarşı şəxsiyyətləri müəyyən edilərək maksimum cəza tədbirləri tətbiq ediləcək", - bəyanatda vurğulanır.

Bildirilib ki, hərbi pozuntular üzrə komitənin araşdırmasını şəxsən müdafiə naziri Murxaf Abu Kasra izləyəcək.

Oxşar xəbərlər

KİV: İsrail Suriyanın Es-Süveyda şəhərinə zərbələr endirir

Suriya DİN İsrailin Əs-Suveydaya müdaxiləsini pisləyib

KİV: İsrail Suriyanın hərbi obyektlərinə hücumları dayandıracağına söz verib

Suriya Əs-Suveydaya xüsusi təyinatlılar göndərməyə hazırlaşır

Əhməd əş-Şaraa: Suriya separatçı layihələr üçün meydan deyil