Bu ilin yanvar-may aylarında Azərbaycan Türkiyədən 926,908 milyon ABŞ dolları dəyərində mal idxal edib.

"Report" Türkiyə İxracatçılar Məclisinə istinadən xəbər verir ki, bu, 2025-ci ilin eyni dövrü ilə müqayisədə 7 % azdır.

Beş ayda Azərbaycanın idxalı Türkiyənin ümumi ixracının 1 %-ni təşkil edib.

Türkiyədən ən çox mal idxalını Almaniya 8 milyard 305,128 milyon ABŞ dolları (1 il əvvələ nisbətən 2,1 % çox), ABŞ 5 milyard 686,731 milyon ABŞ dolları (+6,1 %) və Birləşmiş Krallıq 5 milyard 668,509 milyon ABŞ dolları (+3,2 %) dəyərində həyata keçirib.

Təkcə mayda isə Türkiyə Azərbaycana 162,717 milyon ABŞ dolları dəyərində mal ixrac edib ki, bu da 1 il əvvələ nisbətən 45,7 % azdır.

Yanvar-may aylarında Türkiyənin mal ixracının ümumi dəyəri illik müqayisədə 1,2 % artaraq 97 milyard 331,859 milyon ABŞ dollarına, may ayında isə 9,7 % azalaraq 19 milyard 443,338 milyon ABŞ dollarına enib.

Oxşar xəbərlər

Azərbaycan Türkiyədən mal idxalına çəkdiyi xərci təqribən 10 % artırıb

Azərbaycan Türkiyədən maşın hissələri və komponentləri idxalı xərcini 7 %-ə yaxın azaldıb

Azərbaycan Türkiyədən tekstil məhsullarının idxalı xərcini 12 %-ə yaxın azaldıb

Azərbaycan Türkiyədən 4 ayda geyim idxalına 22 milyon dollara yaxın vəsait xərcləyib

Azərbaycan Türkiyədən avtomobil sənayesi məhsullarının idxal xərcini 23 % artırıb