Belarus Prezidenti Aleksandr Lukaşenko hesab edir ki, Qərb ölkələri Moskva və Minskə qarşı sanksiyalar tətbiq etməklə özünə ziyan vurur.

“Report” BELTA-ya istinadən xəbər verir ki, o, bunu Belarusun diplomatik missiyalarının rəhbərləri ilə görüşü zamanı deyib.

"Avropa İttifaqı 2020-ci ildən bəri 18 sanksiya paketi hazırlayıb. 2022-ci ildə 5, sonra 4, daha sonra isə 3 paket qəbul edib. Bu il hələlik 1 sanksiya paketi tətbiq edilib. Artıq qadağa qoymağa heç nə qalmayıb? Yoxsa özlərinə ziyan vurduqlarını hiss ediblər? Yəqin ki, hər ikisi", - o bildirib.

Belarus lideri hesab edir ki, Donald Trampın ABŞ Prezidenti vəzifəsinə qayıtması Vaşinqton və Minsk arasında münasibətlərin yaxşılaşmasına imkan yaradıb.

"Siz Trampın prinsipini bilirsiniz: Amerika hər şeydən öncədir. Amma bəlkə də bu, keçmiş prezident Co Baydenin dövründə mövcud olmuş "liberal dünya nizamı"ndan daha yaxşıdır. Amerikalılarla son görüşlər göstərdi ki, onlar dinləməyə hazırdırlar. Trampın qayıdışı münasibətlərin yaxşılaşması üçün fürsət pəncərəsi açıb", - A.Lukaşenko vurğulayıb.

Oxşar xəbərlər

Avropa İttifaqı Rusiyaya qarşı 17-ci sanksiya paketi üzərində işləyir

Lukaşenko yeni Baş nazir təyin edib

Lukaşenko: Trampın gəlişi ilə Belarusda deyil, Avropada problemlər olacaq

Lukaşenko prezident seçkilərində Belarusun mümkün təxribatlara hazır olduğunu açıqlayıb

Lukaşenko Trampın andiçmə mərasimində Maskın jestini pisləyib