Kreml sentyabrda Çində Rusiya və ABŞ prezidentləri Vladimir Putin və Donald Trampın görüşünə hazırlıq aparmır.

“Sizinxeber.az” Rusiya KİV-ə istinadən xəbər verir ki, bu barədə ölkə prezidentinin mətbuat katibi Dmitri Peskov bildirib.

Onun sözlərinə görə, hər iki lider eyni vaxtda Pekində olarsa, belə təmasları istisna etmək olmaz.

"Bu görüşə heç bir hazırlıq aparılmır, çünki razılaşdırılmış təmaslar yoxdur", - Kremlin nümayəndəsi qeyd edib.

D.Peskov Putinin sentyabrın əvvəlində Pekinə səfər planlarını təsdiqləyib: "Əgər ABŞ Prezidenti də eyni tarixlərdə Çinə səfər etmək qərarına gələrsə, dövlət başçılarının da eyni şəhərdə olacağı təqdirdə nəzəri cəhətdən belə bir görüşü istisna etmək olmaz".

Onun fikrincə, Rusiya və ABŞ liderlərinin görüşü yalnız ekspert səviyyəsində hazırlıq aparıldıqdan sonra baş tuta bilər.

Oxşar xəbərlər

Kreml: Putin-Tramp görüşü ilə bağlı məsələ hələ gündəmdə deyil

Kreml: Moskvada Əraqçinin Putinlə görüşü istisna edilmir

Peskov: Rusiya, ABŞ və Çin liderlərinin sentyabrda mümkün görüşü barədə məlumat yoxdur

Kreml Putin və Tramp arasında telefon danışığını istisna etmir

Kreml: Putinin Pekinə, Cinpinin Moskvaya səfərlərinə hazırlıq gedir