Özbəkistanın Dövlət Təhlükəsizliyi Xidməti (DTX) “İslam Dövləti” beynəlxalq terror təşkilatının tərkibinə daxil olan “Vilayət Xorasan” qrupunun fəaliyyətini üzə çıxarıb.

"Sizinxeber.az" xəbər verir ki, bu barədə Özbəkistan DTX-nin mətbuat xidməti məlumat yayıb.

“Dövlət Təhlükəsizliyi Xidmətinin daxili işlər orqanları ilə birgə keçirdiyi əməliyyat tədbirləri zamanı Namanqan şəhərində “İslam Dövləti-Xorasan” beynəlxalq terror təşkilatının məxfi yuvası üzə çıxarılıb. Qrupun 16 üzvünə məxsus yaşayış evlərində axtarışlar aparılıb, 37 mobil rabitə vasitəsi, DVD disklər, 4 fleş disk, o cümlədən noutbuk və planşet götürülüb”, - məlumatda deyilir.

Agentliyin məlumatına görə, qrupun təşkilatçısı teleqram messencerində ümumilikdə 120-dən çox iştirakçının daxil olduğu virtual kanallar və qruplar yaradıb. Orada ekstremist materiallar paylanılıb.

"Hazırda qrupun təşkilatçısı və 3 fəal üzvü barəsində cinayət işi açılıb, həbs-qətimkan tədbiri seçilib. Qrupun qalan üzvləri barəsində də istintaq hərəkətləri aparılır", - məlumatda bildirilir.

Oxşar xəbərlər

Qazaxıstanda ekstremist qrupun dörd üzvü saxlanılıb

İnterpolun axtardığı İŞİD üzvü Gürcüstanda saxlanılıb

İstanbulda terror aktına hazırlaşan İŞİD üzvü ələ keçirilib

Türkiyədə İŞİD üzvü olduğu ehtimal edilən 100 nəfər saxlanılıb