İsrail nəzarəti altında qalan 5 bölgədən qoşunlarını çıxaran kimi Livanın cənub sərhədindəki qoşunların şəxsi heyətinin sayı 10 minə çatdırılacaq.

"Sizinxeber.az"un xəbərinə görə, bunu respublika prezidenti general Cozef Aun Baabda sarayında Böyük Britaniyanın xarici işlər naziri Devid Lemmi ilə görüşündə bildirib.

"Ölkənin cənubunda Livan Ordusu və BMT-nin sülhməramlı kontingentindən başqa heç bir silahlı qüvvə olmayacaq. Litani çayının cənubunda qoşunlarımızın şəxsi heyətinin sayı 10 min nəfərə çatdırılacaq", - o deyib.

Prezident vurğulayıb ki, o, BMT-nin Livandakı Müvəqqəti Qüvvələrinin 2025-ci il avqustun 31-də başa çatan mandatının uzadılmasında Londonun dəstəyinə ümid edir: “Mövcud vəziyyət tələb edir ki, BMT Təhlükəsizlik Şurasının 1701 saylı qətnaməsi tam icra olunana qədər sülhməramlı qüvvələr regionda qalsınlar”.

Qısa səfərlə Beyruta gələn nazir Lemmi də öz növbəsində Britaniya-Livan əlaqələrinin möhkəmliyinə işarə edərək, ölkəsinin Livana bütün, xüsusilə də hərbi sahədə kömək göstərəcəyini vəd edib.

Oxşar xəbərlər

Livan BMT TŞ-nin 1701 saylı qətnaməsinə sadiqdir və atəşkəsə çağırır

Livan Prezidenti İsrail qoşunlarının ölkədən tam çıxarılmasını tələb edir

Livan İsraillə sərhəddə kontingentini artırır

KİV: Müxalifət “Hizbullah”dan silahlarını Livan ordusuna təhvil verməsini tələb edib