Bu ilin yanvar-aprel aylarında Azərbaycanda qeyri-həyat sığortası növlərinin hesabına 238,682 milyon manat sığorta haqqı toplanılıb.

"Report" Azərbaycan Mərkəzi Bankına istinadən xəbər verir ki, bu, 2025-ci ilin eyni dövrü ilə müqayisədə 4,7 % azdır.

Hesabat dövründə qeyri-həyat sığortası növləri üzrə ödənişlər isə 17,3 % artaraq 97,332 milyon manata çatıb.

Beləliklə, 4 ayda qeyri-həyat sığortası bazarında toplanmış hər 100 manat sığorta haqqının 40,8 manatı müştərilərə geri ödənilib. Bu rəqəm 1 il bundan əvvəl 33,1 manat olub.

Xatırladaq ki, bu ilin yanvar-aprel aylarında Azərbaycandakı 16 sığorta şirkətinin xətti 610,216 milyon manat sığorta haqqı toplanılıb. Bu, 2025-ci ilin eyni dövrünə nisbətən 3,7 % çoxdur.

Hesabat dövründə sığorta şirkətlərinin həyata keçirdikləri ödənişlərin məbləği isə 304,353 milyon manat təşkil edib. Bu isə illik müqayisədə 31,6 % çoxdur.

Ötən 4 ayda sığorta bazarında toplanmış hər 100 manat sığorta haqqının 49,9 manatı ödəniş edilib. Ötən ilin eyni dövründə bu göstərici 39,3 manat olub.

Oxşar xəbərlər

Azərbaycanda qeyri-həyat sığortası üzrə ödənişlər 3 %-dən çox azalıb

Azərbaycanda həyat sığortası üzrə ödənişlər 13 %-ə yaxın artıb

Azərbaycanda icbari sığorta üzrə ödənişlər 21 %-dən çox artıb

Azərbaycanda könüllü sığorta bazarı 15 %-ə yaxın böyüyüb

Azərbaycanda əmlak sığortası bazarı 25 %-ə yaxın böyüyüb