Livan parlamentindəki müxalifət fraksiyalarının liderlərindən biri Nadim Jmayel “Hizbullah” birləşmələrindən silahlarını Livan ordusuna təhvil vermələrini tələb edib.

“Sizinxeber.az” xəbər verir ki, o, bu barədə Sky News Arabia telekanalına müsahibəsində bildirib.

Onun sözlərinə görə, müxalifət BMT Təhlükəsizlik Şurasının 1701 saylı qətnaməsinin bütün müddəalarının yerinə yetirilməsini tələb edir:

““Hizbullah” silahları Livan ordusuna təhvil verilməlidir. Yaxın həftələrdə Livanın suverenliyini bərpa edəcək yeni yol xəritəsi hazırlanacaq”.

Livanın fövqəladə hallara operativ reaksiya mərkəzinin koordinatoru, ətraf mühitin mühafizəsi naziri vəzifəsini icra edən Nasir Yasin bir müddət əvvəl bildirib ki, Beyrut 2006-cı ildə İsrail və “Hizbullah” arasında münaqişəyə son qoyan BMT Təhlükəsizlik Şurasının 1701 saylı qətnaməsini yerinə yetirərək ölkənin cənubunda atəşkəsə nail olmaq üçün sərt mövqe tutub.

Oxşar xəbərlər

Livan BMT TŞ-nin 1701 saylı qətnaməsinə sadiqdir və atəşkəsə çağırır

Quterreş: Livanda eskalasiya BMT TŞ-nin 1701 saylı qətnaməsini sual altına qoyur

Livan hökuməti ABŞ-a xəbərdarlıq edib

Livan Baş naziri: İsraillə böhranın diplomatik həldən başqa yolu yoxdur

BMT İsrail və “Hizbullah”ı atəşkəsə çağırıb