BMT-nin baş katibi Antonio Quterreş İsrailin İranın nüvə obyektlərinə zərbələr endirməsindən narahatdır və tərəfləri maksimum təmkinli olmağa çağırır.

“Report” xəbər verir ki, bu barədə dünya təşkilatının rəhbərinin sözçünün müavini Fərhan Haq məlumat verib.

Onun sözlərinə görə, baş katib Yaxın Şərqdə istənilən hərbi eskalasiyanı pisləyir:

“O, İran və ABŞ-nin nüvə proqramı ilə bağlı danışıqlar apararkən İsrailin İrandakı nüvə obyektlərinə hücumlarından narahatdır. Baş katib BMT-yə üzv dövlətlərin təşkilatın nizamnaməsinə və beynəlxalq hüquqa uyğun hərəkət etmək məsuliyyətini xatırladır. Baş katib hər iki tərəfi maksimum təmkin nümayiş etdirməyi və nəyin bahasına olursa olsun münaqişənin eskalasiyasından çəkinməyi xahiş edir”.

Bundan əvvəl İsrail hakimiyyəti İrana, o cümlədən ölkənin müxtəlif bölgələrindəki nüvə obyektlərinə zərbələr endirdiyini açıqlayıb. İsrailin baş naziri Benyamin Netanyahu bu əməliyyatın məqsədinin İranın nüvə proqramını pozmaq olduğunu bildirib və zərbələrin davam edəcəyi ilə bağlı xəbərdarlıq edib.

Oxşar xəbərlər

İsrailin İrana hücumunun birinci mərhələsi başa çatıb [xfgiven_updateblue][/xfgiven_updateblue]

BMT Baş katibi İsrailə Suriya ilə bağlı çağırış edib [xfgiven_updateblue][/xfgiven_updateblue]

Bayden İsrailin İranın nüvə obyektlərinə zərbələrini dəstəkləməyib [xfgiven_updateblue][/xfgiven_updateblue]

BMT-nin Baş katibi İsrailin Yəmənə hava hücumundan narahatlığını ifadə edib [xfgiven_updateblue][/xfgiven_updateblue]

CNN: İsrail İranın nüvə obyektlərinə zərbələr endirməyə hazırlaşır [xfgiven_updateblue][/xfgiven_updateblue]