“M777” haubitsa istehsalı zavodu Avropada silaha tələbatın artması səbəbindən İngiltərənin Şeffild şəhərində yenidən qurulub.

“Report” xəbər verir ki, bu barədə Böyük Britaniya Müdafiə Nazirliyinin bəyanatında deyilir.

Qeyd olunur ki, “BAE Systems” zavodu 200-ə yaxın insanı işlə təmin edəcək. Müəssisənin açılış mərasimində cümə axşamı Böyük Britaniyanın müdafiə naziri Con Hili iştirak edib.

“The Daily Telegraph”ın xəbərinə görə, 2023-cü ildə BAE Systems Böyük Britaniyada “M777” haubitsalarının istehsalını dayandırmaq qərarına gəlib, lakin Avropa ölkələrində silaha tələbatın yüksək olması fonunda şirkət zavodda fəaliyyətini bərpa edib.

Bundan əvvəl Britaniya hakimiyyəti Kiyev hakimiyyətinə “M777” haubitsalarının tədarükü barədə məlumat verib.

Oxşar xəbərlər

Böyük Britaniya müdafiə xərclərini artıracaq

Britaniya qanunsuz miqrantların sayına görə Avropada birinci yerdədir

Britaniya Müdafiə Nazirliyində genişmiqyaslı islahat keçiriləcək

Finlandiyada döyüş sursatı üçün partlayıcı maddələr zavodu tikiləcək

Britaniya və Fransa Ukraynaya raket tədarükçüsünə qarşı təhqiqata başlayıb