Böyük Britaniya hökuməti 50 ildən artıq müddətdə Müdafiə Nazirliyinin ən böyük islahatını həyata keçirəcək.

“Report”un məlumatına görə, bu barədə ölkə hökumətinin saytında verilən açıqlamada deyilir.

Hökumətin məlumatına görə, Böyük Britaniya Müdafiə Nazirliyinin islahatı artan qlobal təhdidlər — Rusiya-Ukrayna münaqişəsi və Yaxın Şərqdəki vəziyyət fonunda elan edilib.

“Müdafiə naziri Dövlət Hesablamalar Komitəsinin “sınıq” müdafiə satınalma sistemi kimi təsvir etdiyi sistemi düzəltmək və Böyük Britaniyanın müdafiəsini gücləndirmək üçün nazirlikdə son 50 ildə ən böyük islahatına start verib”, - məlumatda deyilir.

Bundan əvvəl Britaniyanın müdafiə naziri Con Xili Birləşmiş Krallığın Silahlı Qüvvələrinin müharibəyə hazır olmadığını bildirib. O xatırladıb ki, NATO-nun siyasətinə uyğun olaraq Böyük Britaniya Şimali Atlantika Alyansının digər üzvlərini müdafiə etməyə və mümkün təcavüzün qarşısını almaqda effektiv olmağa hazır olmalıdır.

Oxşar xəbərlər

Britaniya və Almaniya ikitərəfli müdafiə sazişi üzrə danışıqlar aparır

Böyük Britaniya Rusiyaya qarşı sanksiyaları genişləndirib

Britaniya və Almaniya müdafiə sahəsində dərinləşdirilmiş əməkdaşlıq paktı imzalayacaq

Britaniya Ukraynaya Beynəlxalq Yardım Fonduna 1,3 milyard dollardan çox vəsait toplayıb