Zelenskinin Ofisində qadınların hərbi xidmət keçməsinin vacibliyi vurğulanıb

Həm kişilər, həm də qadınlar orduda xidmət etməlidir.

APA xəbnər verir ki, bunu Ukrayna Prezidentinin Ofisi rəhbərinin müavini Roman Palisa bildirib.

Onun sözlərinə görə, Ukrayna bu məsələdə İsrailin təcrübəsindən faydalanmalıdır.

Palisanın sözlərinə görə, İsraildə hərbi xidmət vətəndaşların cinsindən asılı olmayaraq məcburidir və bu model Ukraynada da tətbiq olunmalıdır.

Palisa əlavə edib ki, hərbi xidmət keçməyən şəxslərin bəzi dövlət xidmətlərinə və imkanlara, o cümlədən dövlət qulluğunda işləməyə çıxışları məhdudlaşdırıla bilər.