Avropa Şurası Parlament Assambleyası tərəfindən davam edən monitorinq proseduru çərçivəsində həmməruzəçilər Klod Kern (Fransa, “Liberal Demokratlar Alyansı”) və Edit Estrella (Portuqaliya, “Sosial Demokrat Partiyası”) faktaraşdırıcı missiya üzrə 14-16 yanvar tarixlərində Gürcüstana səfər edəcəklər.

APA-nın Tbilisi müxbiri xəbər verir ki, bi barədə Avropa Şurası Parlament Assambleyasının saytında dərc olunmuş press-relizdə deyilir.

“Səfərin məqsədi xüsusilə də oktyabr seçkilərindən sonra yaranmış siyasi böhran və Aİ-yə üzvlük danışıqlarının dayandırılması fonunda Gürcüstanın Avropa Şurasının üzvü kimi üzərinə götürdüyü öhdəliklərin yerinə yetirməsini qiymətləndirməkdir. Səfər zamanı həmməruzəçilər bütün əsas siyasi partiyaların rəhbərliyi, müvafiq dövlət rəsmiləri və institutları, həmçinin vətəndaş cəmiyyəti ilə görüşəcəklər. Bu, müntəzəm monitorinq səfəridir və həmməruzəçilərin görüşdüyü həmsöhbətlərin legitimliyinin və ya fikirlərinin siyasi təsdiqi kimi qəbul edilməməlidir” - deyə press-relizdə bildirilir.

Məlumata əsasən, həmməruzəçilər həbsləri və ittihamları narahatlıq doğuran bəzi nümayişçilərə baş çəkməyi planlaşdırır.

Oxşar xəbərlər

Avropa Şurasının Baş katibi Gürcüstana səfər edib

Aİ Gürcüstana siyasi missiya göndərəcək

Aİ Gürcüstana qarşı əlavə tədbirləri nəzərdən keçirəcək

Borrell: Orban Gürcüstana səfərində Aİ-ni təmsil etmir

Gürcüstan Baş Prokurorluğu seçki saxtakarlığı iddialarına görə prezidenti dindirməyə çağırıb