Avropa İttifaqı (Aİ) Böyük Britaniya Baş naziri Kir Starmerin istefasını elan etməsindən sonra iyulun 22-nə planlaşdırılmış Aİ–Böyük Britaniya sammitinin keçirilməsinin məqsədəuyğunluğunu nəzərdən keçirir.

"Sizinxeber.az"un Avropa bürosunun məlumatına görə, bunu Brüsseldə keçirilən brifinqdə Avropa Komissiyasının mətbuat katibi Paula Pinyo bəyan edib.

Onun sözlərinə görə, Avropa Komissiyası Aİ Şurasının sədri Antonio Koşta və Britaniya tərəfi ilə tarixi ötən həftə elan edilmiş sammitin keçirilməsi üzrə məsləhətləşmələr aparır. Bununla yanaşı, o, görüşün təxirə salınacağını və ya ləğv ediləcəyini dəqiqləşdirməyib, yalnız müzakirələrin davam etdiyini qeyd edib.

P.Pinyo həmçinin vurğulayıb ki, Avropa Komissiyasının sədri Ursula fon der Lyayen Starmerin Avropa və Ukraynanın təhlükəsizliyinin möhkəmləndirilməsinə töhfəsini yüksək qiymətləndirib: "Britaniya ilə münasibətlərimiz möhkəmdir və belə də qalacaq".

Xatırladaq ki, iyunun 22-si Kir Starmer Böyük Britaniya hökumət başçısı vəzifəsindən istefa verib. Onun qərarı Avropa İttifaqı ilə Birləşmiş Krallıq arasında planlaşdırılmış sammit də daxil olmaqla, bir sıra beynəlxalq tədbirlərin keçirilmə vaxtı ilə bağlı suallar doğurub.

Oxşar xəbərlər

Pinyo: Aİ Ukrayna üçün kreditin tezliklə blokdan çıxarılacağını gözləyir

Avropa Komissiyası: Ukrayna xalqı tələb etməyənə qədər ölkədə seçkilərə ehtiyac yoxdur

Avropa Komissiyası və Avropa İttifaqı Şurasının sədrləri iyulun 24-də Çinə səfər edəcək

Londonda gələn ay ilk dəfə Aİ-Böyük Britaniya sammitinin keçirilməsi planlaşdırılır

Aİ və Böyük Britaniya Trampın Ukrayna ilə bağlı təşəbbüsünü dəstəkləyib