Mərakeş hakimiyyəti şənbə günü bəyan edib ki, Dəməşqdəki səfirliyini yenidən açacaq.

APA xəbər verir ki, bu barədə AFP agentliyinin məlumatına görə, bu addım, ölkə prezidenti Bəşər Əsədin devrilməsindən sonra Suriyaya dəstəyin bərpa olunduğuna işarə edir. Eyni zamanda, Dəməşq də analoji addım atacağını açıqlayıb.

Mərakeşin bu qərarı barədə kral VI Məhəmmədin Suriyanın müvəqqəti prezidenti Əhməd əl-Şəraya ünvanladığı məktubda məlumat verilib. Məktub, Bağdadda keçirilən Ərəb Dövlətləri Liqasının sammitində Mərakeşin xarici işlər naziri tərəfindən səsləndirilib.

Məktubda Mərakeşin Suriya xalqının “azadlıq, təhlükəsizlik və sabitliyə olan arzusunu” dəstəklədiyi bildirilib.

Suriyanın Xarici İşlər Nazirliyinin açıqlamasında deyilir ki, yüksək rütbəli diplomat Əsəd əş-Şaybani sammit çərçivəsində mərakeşli həmkarı Nasir Burita ilə görüşüb və “hər iki tərəf ikitərəfli diplomatik münasibətlərin qurulması barədə razılığa gəlib”.

Açıqlamaya görə, Suriya da Rabatda yerləşən səfirliyinin fəaliyyətini bərpa etmək üçün prosedurlara başlayacaq.

Qeyd edək ki, Rabat 2012-ci ildə Suriyada baş verən iğtişaşlardan sonra Dəməşqlə diplomatik münasibətləri kəsmişdi.

Oxşar xəbərlər

Mərakeş Dəməşqdəki səfirliyinin işini bərpa etmək niyyətindədir

Mərakeş və Suriya diplomatik əlaqələrin gücləndirilməsi ilə bağlı razılığa gəlib

Rəcəb Tayyib Ərdoğan Bəşər Əsədlə görüşəcəyinə ümid edir

Suriya Prezidenti Ərəb Dövlətləri Liqasının sammitində iştirak etməyəcək