Banqladeşin sabiq baş naziri Şeyx Hasina başqa ölkələrə sığınmayacaq və müvəqqəti hökumət ölkədə seçkilərin keçirilməsinə qərar verdiyi zaman vətəninə qayıdacaq.

Sizinxeber.az xəbər verir ki, bu barədə onun oğlu Sacib Vazed Coy məlumat verib. Onun sözlərinə görə, anasının siyasi sığınacaq istəmək fikri yoxdur.

"O, hazırda Hindistandadır, müvəqqəti hökumət ölkədə seçkilər keçirmək qərarına gələn kimi Banqladeşə qayıdacaq”, - "The Times of India" qəzeti yazır.

O, həmçinin, Hindistanın baş naziri Narendra Modiyə anasının həyatını xilas etdiyinə görə təşəkkür edib.

Qeyd edək ki, sabiq baş nazir Şeyx Hasina avqustun 5-də istefa verərək Banqladeşi tərk etmiş və elə həmin gün Hindistana uçmuşdu.

Onun Böyük Britaniyadan sığınacaq istədiyi bildirilirdi.

Oxşar xəbərlər

Banqladeşdə formalaşacaq keçid hökuməti sabah and içəcək

Banqladeşdə hoteldə baş verən yanğında 24 nəfər ölüb