İsrail tanklarının insan kütləsinə atəş açması nəticəsində azı 59 fələstinli həlak olub

İyulun 15-də İsrail tanklarının Qəzza zolağına humanitar yardım aparmağa çalışan insanları atəşə tutması nəticəsində azı 59 nəfər həlak olub.

Sizinxeber.az xəbər verir ki, bu haqda “Reuters”in mənbələrə istinadən verdiyi məlumatda deyilir.

“İsrail tankları çərşənbə axşamı Qəzza zolağında yük maşınlarından yardım almağa çalışan kütləyə atəş açıb, ən azı 59 nəfər həlak olub”, - deyə agentlik yazıb.

Şahidlərin agentliyə verdiyi məlumata görə, İsrail tankları yardım almaq üçün Xan Yunis şəhərində toplaşan minlərlə insan kütləsinə azı iki mərmi atıb.

İsrail ordusu “Reuters”ə tanklar tərəfindən atəş açıldığını təsdiqləyib və hadisənin araşdırıldığını bildirib.

Hadisə nəticəsində 59 nəfərin həlak olduğu, azı 221 nəfərin isə yaralandığı bildirilir.