Ağ Ev Ukraynanı tənqidləri yumşaltmağa və ABŞ Prezidenti Donald Tramp tərəfindən irəli sürülən minerallar sazişini tez bir zamanda imzalamağa çağırıb.

APA xəbər verir ki, bu barədə ABŞ Prezidentinin milli təhlükəsizlik üzrə müşaviri Mayk Vals “Fox news”a müsahibəsində deyib.

“Ukraynadakı vəziyyətlə bağlı administrasiyadan çox məyusluq var. Biz Ukraynaya inanılmaz tarixi investisiyalar və iqtisadi imkanlar təqdim etmişik”, - o qeyd edib.

Trampın müşaviri Ukraynanın tənqidləri azaltmalı olduğunu bildirib: “Tənqidləri azaldın. Mineral sövdələşməni ciddi şəkildə nəzərdən keçirin və onu imzalayın. ABŞ və Ukrayna fikir ayrılıqlarını həll edə bilər”.

Vals Ukraynanın ABŞ-ın işlərinə qarışmasının qəbuledilməz olduğunu da vurğulayıb.

Oxşar xəbərlər

Tramp hesab edir ki, Ukrayna münaqişəsinin həlli üçün Rusiya ilə dialoq lazımdır

Mayk Uotz: Ukraynadakı münaqişənin döyüş meydanında həlli mümkünsüzdür

Medvedev: Tramp Ukrayna münaqişəsinə son verə bilər

Ağ Ev Ukrayna ilə bağlı razılaşma əldə edilə biləcəyini düşünür

Tramp Milli Təhlükəsizlik Şurasının yenidən təşkilinə başlayıb