Los-Ancelesdə anbarda böyük yanğın baş verib, şəhər hakimiyyəti yerli sakinləri qapalı məkanlara sığınmağa çağırıb.

"Report" xəbər verir ki, bu barədə şəhər administrasiyasına istinadən "ABC" televiziyası məlumat yayıb.

Məlumata görə, çərşənbə günü gündüz saatlarında Boyl-Hayts rayonundakı kommersiya binasında günəş panellərində yanğın baş verib. Səmaya bir neçə kilometr məsafədən görünən qatı qara tüstü qalxıb.

Şəhər hakimiyyəti sakinlərə pəncərə və qapıları bağlamağı və küçəyə çıxmamağı tövsiyə edib.

Yanğının söndürülməsinə iki helikopter cəlb olunub. Los-Anceles polisi taktiki həyəcan vəziyyətinə keçirilib. Zərərçəkənlər barədə məlumat verilməyib.

Oxşar xəbərlər

Parisdə hava limanı yaxınlığında güclü yanğın baş verib

Almaniyada keçmiş operetta binası yanıb

Avstraliyada iki neft emalı zavodundan birində yanğın baş verib

Ağdərədə yanğının söndürülməsinə helikopter cəlb olunub

KİV: Los-Anceles yanğınları 8 milyon insanı təhdid edir